عمر الشمس ما بتتغطى في غربال - سهر الفقيه

عمر الشمس ما بتتغطى في غربال

بس الحقيقة واضحة للكل

الجاهل ، والأمي ، وعديم الثقافة،  قدر يميز انه الجن العاشق (( جوز اختها لاسراء )) "محمد صافي"

لمن طلع اكثر من مرة يحكي عن نفس الموقف شو صار مع اسراء اكثر من مرة وقع في خطاء للنفس الموقف خوفه والتوتر اللي كان فيي 

دموع التماسيح اللي مثل فيها رجفة ايدو وهو بحكي وبشرح ومعجوق حركة وحدة كانت كفيلة ادين هاد ( الانسان ) بقضية العالم قضية اسراء غريب بكلمته عملت السبعة وذمتها فينا اسراء وهي في دار الحق مش انسان طبيعي بحكي عن مغذورة بهاي الطريقة

وكلي اسف انه قضية اسراء رح تتسكر ويعوف عليها الزمان ملف وسكرنا وأتلفنا للاسف

بس خلينا نكون منطقين في قضايا اكبر وازخم من قصة اسراء اللي سميناها قضية وهي فعلا قضية دول صارات

من هون بحكيلك يا اسراء احنا اسفين يختي ما قدرنا نعملك اشي لا كتاباتنا ولا شعاراتنا ولا المناضرات نصرتك

بس انتي منصورة وربك ناصرك باْذن الله

احنا اسفين لانه العالم هدي ودموا برد

اسفين لانه المجرم الحقيقي بكرا رح يعيش حياته عادي

انتي قتلتي تحت مسمى الشرف ، وابن الشرف بتمشى بشوارع

اسفين يا اسراء لانه شو ما حكينا وكتبنا ما نوفيكي حقك

الله يرحم روحك الطاهرة اللي اشرف من الشرف ... سهر

 

نصوص ذات صلة

في كلمات وجُمل إذا انحكت بتترك أثر سيء وبشع وصعب نتجاوزو بسهولة ، مع الأيام ممكن ننسى ..  بس للاسف الأثر بضل موجود ! تماماً مثل الاشي الي بينكسر وبنلزقوا ! صح قدرنا نرجعو لشكلو الطبيعي بس في أثر... Read More
نحن بين الإفتراضي والواقعي لقد ساهم ظهور الإنترنت بشكل أساسي في تسهيل سرعة الولوج إلى المعلومة وتسارع وتيرة التواصل البشري، ولكن مانلاحظه هو حدة إستحواذ العالم الإفتراضي على حياتنا الواقعية بحيث أصبح... Read More
سجينة ....تنام في عقولنا....قصص نجاحنا..... للنجاح سياسة وطرق متبعة متى احترمناها وراهنا عليها كانت بداية النجاح..... عندما تتوجه بالكلام إلى شخص ما وتسأله عن أمنياته وأهدافه تكون اجابته "أتمنى ان... Read More