كلمات تترك أثر سيء - سهر الفقيه

في كلمات وجُمل إذا انحكت بتترك أثر سيء وبشع وصعب نتجاوزو بسهولة ، مع الأيام ممكن ننسى ..  بس للاسف الأثر بضل موجود ! تماماً مثل الاشي الي بينكسر وبنلزقوا ! صح قدرنا نرجعو لشكلو الطبيعي بس في أثر ، في تشوه، في نقص ولو بسيط ! في ذكرى أبدية

والزعل ع قدر المحبة، والأثر ع قدر الود والمعزة

مش سهل نتعامل مع الأحداث كأنها ما صارت ومع الكلمات كأنها ما نحكت ! ما معنا ريموت كونترول يتحكم بمشاعرنا ويرجع الأحداث بالعكس ونرجع طبيعين وكأنه ما صار إشي

عشان هيك مهم جداً ننتبه لكل كلمة بنحكيها، لأنو أثر الكلمة ما بروح بسهولة ! بعد كل جملة سيئة إحنا بنوعى أكثر، بنقسى أكثر، وبنصير منطقيين بزيادة .. .

بس بالنهاية.  ..

" سلامًا لمن تغاضى ليدوم الوصال، وتخلّى لتستمر المحبة "

ومش أي حد بقدر ...